Բուլղարիայում հայտնաբերված Ստրադիվարիուսի ջութակը կեղծ է եղել

Բուլղարիայի գնչուների մոտ հայտնաբերված Ստրադիվարիուսի ջութակը, պարզվել է, այն ջութակը չէր, որը փնտրում էր ոստիկանությունը. գրում է The Daily Telegraph-ը:

Պարզվել է, որ գործիքը կեղծ է: Այն պատրաստվել է 100 տարի առաջ Գերմանիայում կամ Չեխիայում:

Հիշեցնենք, որ Բուլղարիայի ոստիկանությունը 2013թ. մարտի սկզբին հայտարարել էր, որ հատուկ գործողություններ իրականացնելու ընթացքում, հնարավոր է, հայտնաբերել է 2010թ. Լոնդոնից գողացված Ստրադիվարիուսի ջութակը:

1696թ. Ստրադիվարիուսի ջութակը գողացել էին 2010 նոյեմբերին Լոնդոնի կենտրոնական հատվածի մետրոպոլիտենի կայարանում: Նրա արժեքը գնահատվում է 1.8 մլն դոլար: