New York Times-ին քննադատել են սեքսիզմի համար

Ամերիկյան հանրահայտ New York Times պարբերականին մեղադրել են սեքսիզմ դրսևորելու համար: Դրա համար պատճառ է հանդիսացել պարբերականում հրապարակված մահախոսականը, որը նվիրված է եղել 88 տարեկան հասակում մահացած կին գիտնական Իվոն Բրիլլին: Մահախոսականում կնոջ գիտական նվաճումների փոխարեն լրագրողներն անդրադարձ էին կատարել նրա խոհարարական հմտություններին: Դրա արդյունքում լրագրողների գլխին թափվեցին գործընկերների քննադատությունները:

Իվոն Բիլլը հրթիռաշինության ոլորտում համաշխարհային մասշտաբի ակնառու գիտնական էր: Սակայն մահախոսականում հիշատակվել են խոհանոցում կերակուր եփելու նրա հիանալի կարողությունները և այն, որ նա աշխատանքի էր գալիս իր ամուսնուն ճանապարհելուց հետո միայն, իսկ 8 տարի էլ առհասարակ հրաժարվել էր աշխատանքից իր 3 երեխաներին դաստիարակելու համար. քննադատաբար գրում է Daily Beast-ը: Հետաքրքիր է, եթե մահացող գիտնականը տղամարդ լիներ, արդյոք մահախոսականը նույն կե՞րպ կանդրադառնար նրա արժանիքներին որպես ընտանիքի հայր և ամուսին. հարցնում է պարբերականը:

New York Times-ի խմբագիրը նշել է, որ ինքը համամիտ է այդ քննադատության հետ: Դրանից հետո պարբերականը փոխել է մահախոսական հոդվածը՝ համեղ կերակուրների մասին նախադասությունը փոխարինելով կնոջ՝ ակնառու գիտնական լինելու մասին դիտարկումով: