Ֆրանսիացի ֆեմենուհիները պահանջում են քանդել Էյֆելյան աշտարակը
Համաշխարհային Մամուլ
Մի խումբ ֆրանսիացի ֆեմենուհի ակտիվիստներ երկուշաբթի օրը հանդես են եկել Էյֆելյան աշտարակը քանդելու կոչով` համարելով այն որպես «հայրիշխանության վերապրումները մարմնավորող սեռական օրգանի խորհրդանիշ»,-գրում է The Local-ը:
«Մենք չափից դուրս երկար ենք ապրել հայրիշխանության ստվերի ներքո: Ամեն օր այս քաղաքի կանայք ստիպված են եղել նայել դեպի երկինք ձգտող այս հսկայական մետաղական սեռական օրգանին: Միգուցե դա հիանալի խայծ է զբոսաշրջիկների համար, սակայն քանի դեռ այն այստեղ է գտնվում, Ֆրանսիայում երբեք չի լինի հավասարություն»,-մեջբերում է պարբերականը ակտիվիստներից մեկի խոսքերը:
«Սիրո քաղաք Փարիզի մասին նման անհեթեթ պատկերացումները ձևավորում են այնպիսի վարք, ինչպիսին որ դրսևորեց Դոմինիկ Սթրոս Կանը»,-ասված է ֆեմենուհիների հայտարարության մեջ:
Պարբերականը նշում է, որ աղջիկների բողոքը ծիծաղով է ընդունվել:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
