Փարիզում աճուրդի ժամանակ վաճառել են Լյուդովիկոս 16-րդի արյամբ շաղախված կտորը

Փարիզում չորեքշաբթի օրը աճուրդի ժամանակ 19 հազար եվրոյով վաճառվել է Ֆրանսիայի գլխատված արքա Լյուդովիկոս 16-րդի արյան մեջ թաթախված շորի փոքրիկ մի կտոր. գրում է Huffington Post-ը: 

20x16-ի չափերով կտորը ավազի ոչ մեծ քանակի հետ տեղադրված է փոքրիկ դագաղում, որին կից կա մի գրություն` «Լյուդովիկոս արքայի թանկարժեք արյունը, 1793թ. հունվարի 21»:

Սակայն աճուրդի կազմակերպիչները նշում են, որ միայն ԴՆԹ-ի անալիզը կարող է հաստատել, թե արդյոք արյունն իրականում պատկանում է Լյուդովիկոս 16-րդին:

Բացի այդ` աճուրդի ժամանակ 4.4 հազար եվրոյով վաճառվել է նրա կոշիկի արծաթե ճարմանդը: Երկու դեպքում էլ այդ իրերի գնորդը նույն մարդն է եղել, որի անունը չի հայտնվում:

Լյուդովիկոս 16-րդը` Բուրբունների դինաստիայից, ժառանգել էր գահը 1774-ին: Նրա օրոք 1789-ին տեղի ունեցավ ֆրանսիական Մեծ բուրժուադեմոկրատական հեղափոխությունը: Իսկ 1792-ին նա գահընկեց արվեց և գլխատվեց: