ՀԱՄԱՍ-ն անցել է սիրիացի ապստամբների կողմը. The Times
Համաշխարհային Մամուլ
Ապրիլի 5-ին բրիտանական The Times պարբերականը, հղում կատարելով իր տեղեկացված արևմտյան դիվանագիտական շրջանակների աղբյուրներին, գրում է, որ ՀԱՄԱՍ խմբավորման մարտական թևն անցել է սիրիացի ապստամբների կողմը: Ընդ որում, ավելի վաղ նրանք միշտ հանդես էին գալիս Սիրիայի նախագահ Բաշար Ասադի աջակցությամբ:
Պարբերականի տվյալներով՝ ՀԱՄԱՍ-ի մարտական թևի անդամները մարզում են Սիրիայի ազատ բանակ խմբավորման ապստամբներին Դամասկոսից ոչ շատ հեռու գտնվող արևելյան Յալդա, Ջարամանա և Բաբբիլա տարածքներում: Հետաքրիր է, որ ինքը ՀԱՄԱՍ-ն այդ տեղեկությունները ժխտում է:
Իսկ թերթը նշում է, որ ՀԱՄԱՍ շարժման ակտիվիստները սովորեցնում են ապստամբներին ստորգետնյա թունելներ փորել, որը կարող է օգնել գրոհայիններին Սիրիայի մայրաքաղաք Դամասկոսի կենտրոնի համար մղվող պայքարում, որն այժմ կառավարական ուժերի հսկողության տակ է:
Ըստ թերթի տվյալների՝ ՀԱՄԱՍ-ի գրոհայիններն ապստամբների հետ միասին մասնակցել են Հալեպի և Դամասկոսի համար կառավարական զորքերի դեմ մղված կռիվներին:
The Times-ը կարծում է, որ ՀԱՄԱՍ-ի նման դիրքորոշումը նշանակում է, որ շարժումը վերջնականորեն անցել է Քաթարի հսկողության տակ, քանի որ կարծիք կա, թե այդ երկրի իշխանությունները նշանակալի աջակցություն են ցուցաբերում ապստամբական խմբավորումներին:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
