Ամուսինների «արկածները»՝ «Երևան սիթի»–ում

Արմեն Գինոսյանին (անուն, ազգանունը փոխված է) մեղադրանք է առաջադրվել այն բանի համար, որ նա հունվար-փետրվար ամիսների ընթացքում կատարել է մի շարք գողություններ:

Արմինե Արամյանին (անուն, ազգանունը փոխված է) մեղադրանք է առաջադրվել այն բանի համար, որ նա, 04.02.2013թ. ամուսնու՝ Արմեն Գինոսյանի հետ նախնական համաձայնության գալով, գողություն կատարելու դիտավորությամբ «Երևան սիթի» հանրախանութից փորձել են գաղտնի հափշտակել սննդամթերք և կենցաղային պարագաներ: Այս մասին գրում է Իրավաբան.net–ը։

Ամուսինների նկատմամբ որպես խափանման միջոց ընտրվել է ստորագրություն չհեռանալու մասին:

Ծանուցում. Հանցագործության մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով: