Թվիթերում իմաստային աղավաղումը Շերի «մահվան» պատճառ է դարձել

Թվիթերում բառակապակցություն արտահայտող իմաստային նշումի` hashtag-ի թյուրըմբռնման պատճառով, որի միջոցով սոցիալական ցանցի օգտատերերը կիսվում էին Մեծ Բրիտանիայի առաջին և միակ կին վարչապետ Մարգարետ Թետչերի մահվան մասին, լուրեր են տարածվել, թե մահացել է հայտնի հայազգի երգչուհի Շերը` Շերլին Սարգսյանը. գրում է Wall Street Journal-ը:

Համացանցում Թվիթերի օգտատերերի կողմից Թետչերի մահվան լուրը հայտնվելուց հետո ի հայտ եկավ հետևյալ hashtag-ը` նշումը. #nowthatchersdead (Այժմ մահացել է Թետչերը): Սակայն շատ օգտատերեր այն սխալ էին ընկալել և կարդացել էին #nowthatchersdead(Ահա այժմ և Շերը մահացավ), ինչը ցավակցական ուղերձների մեծ ալիք առաջ բերեց երգչուհու ընտանիքին նրա վաղաժամ մահվան կապակցությամբ: