Գերմանիայի ոստիկանությունն առգրավել է Վլադիմիր Պուտինի անունով վարորդական իրավունքը

Գերմանիայի ոստիկանությունն իր քաղաքացիներից մեկի մոտից առգրավել է Ռուսաստանի նախագահ Վլադիմիր Պուտինի անվամբ վարորդական իրավունքը, որը իբր թե տրվել էր նրան Լատվիայում: Միջադեպը տեղի էր ունեցել շաբաթ օրը՝ ապրիլի 6-ին, Զալցբուրգից Մյունխեն մեկնող գնացքում. գրում է Die Welt-ը։

Օրինապահ մարմինները նկատել էին կեղծ վարորդական իրավունքը 27-ամյա ուղևորի մոտ շարքային ստուգում անցկացնելիս, որը պարտադիր կերպով անցկացվում է ավստրիա-գերմանական սահմանը հատելիս: Ռուսական արմատներ ունեցող գերմանացին խոստովանել է, որ գնել է վարորդական իրավունքը ռուսական շուկայում: Ոստիկանությունը թույլատրել է նրան շարունակել ճանապարհորդությունը: Իրավապահ մարմինները պարզել են, որ ուղևորին դրա համար քրեական պատասխանատվություն չի հասնում, քանի որ վերջինս մտադրություն չի ունեցել այդ կեղծ փաստաթուղթը օգտագործել: Սակայն, այնուամենայնիվ, ոստիկանությունը առգրավել է կեղծ վարորդական իրավունքը, քանի որ այն շատ նման է օրիգինալ փաստաթղթին և կարող է շփոթության պատճատ հանդիսանալ: