ԱՄՆ-ի կոնգրեսականը կոչ է արել Օբամային ապրիլի 24-ին Ցեղասպանությունը կոչել հենց այդ բառով
Համաշխարհային Մամուլ
ԱՄՆ-ի կոնգրեսի անդամ Ադամ Շիֆը չորեքշաբթի օրը նախագահ Բարաք Օբամային հղած նամակում կոչ է արել ԱՄՆ-ի ղեկավարին պաշտոնապես ճանաչել Հայոց ցեղասպանությունը ապրիլի 24-ին, երբ համայն հայությունը ողջ աշխարհում նշում է Ցեղասպանության զոհերի հիշատակը. մեջբերում է Dailynews-ը:
Օբաման, ԱՄՆ-ի նախագահ ընտրվելուց ի վեր, ամեն տարի ցավակցական ուղերձ է հղում 20-րդ դարի ամենաառաջին ցեղասպանության կապակցությամբ, սակայն երբևէ չի օգտագործել ցեղասպանություն եզրը. գրում է Շիֆը:
«Ես կոչ եմ անում Ձեզ ճանաչել Հայոց ցեղասպանությունը այս տարի ձեր արվելիք հայտարարության մեջ, և ցեղասպանությունը ցեղասպանություն անվանել և դրանով աջակցություն հայտնել կենդանի մնացած սակավաթիվ մարդկանց, ինչպես նաև միլիոնավոր զոհերի հետնորդներին, ովքեր կրում են ցեղասպանության ժխտման վիրավորանքն ու տառապանքը»,-ասված է Օբամային հղած Շիֆի նամակում:
Հիշեցնենք, որ Օբաման, 2008-ին լինելով սենատոր, հայ համայնքին հղած իր նամակում խոստացել էր «նախագահ դառնալով՝ ճանաչել Հայոց ցեղասպանությունը»:
ԱՄՆ-ի մերձավոր դաշնակից Թուրքիան մինչ այժմ հերքում է 1915-1923թթ. Օսմանյան Թուրքիայում իրականացրած Հայոց ցեղասպանության փաստը:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
