ԱՄՆ-ում կանցկացվի մարիխուանայի գավաթի մրցույթ

Շաբաթ օրը` ապրիլի 20-ին, ԱՄՆ-ի Դենվեր քաղաքում կանցկացվի մարիխուանային նվիրված 2 տոնակատարություն. գրում է The Huffington Post-ը:

Միջոցառումներից մեկը կոչվում է Կանաբիսի գավաթ: Դրա ընթացքում ընտրվելու են կանաբիսի լավագույն տեսակները մի քանի անվանակարգերում` հաշիշի լավագույն տեսակ, հնդկական կանեփի լավագույն տեսակ և այդ բույսերից պատրաստված լավագույն ուտեստների տեսակ:

Այդ նույն օրը քաղաքում կանցկացվի մարիխուանային նվիրված մեկ այլ միջոցառում՝ 420 անունով: Տոնակատարության այդ անվանումը պայմանավորված է մարիխուանայի օգտագործման պայմանական անունով՝ 4-20:

Նշենք, որ երկու տոնակատարության ժամանակ էլ խիստ արգելված են ալկոհոլային խմիչքները:

Մարիխուանայի օրինականացումն այս նահանգում ընդունվել էր անցյալ տարվա վերջին: Համաձայն այդ օրենքի՝ 21 տարին լրացած անձինք կարող են աճեցնել մինչև 6 թուփ կանեփ:

Նրանք իրավունք ունեն պահել 28 գրամից ոչ ավել թմրանյութ և նույնիսկ որպես նվեր մատուցել դա նույն՝ 28 գրամ քանակով: