Սեքսուալ բնույթի հերթական բռնի գործողությունն անչափահասի նկատմամբ

Կոտայքի մարզի ընդհանուր իրավասության դատարանը քննության է առել քրեական գործն ըստ մեղադրանքի Էրիկ Ա.-ի:

Վերջինիս մեղադրանք է առաջադրվել այն բանի համար, որ նա, հանդիսանալով ՀՀ ՊՆ X զորամասի պայմանագրային զինծառայող, կոչումով շարքային, 2012թ. օգոստոսի 12-ին՝ ժամը 20-ի սահմաններում, գտնվելով ալկոհոլային թեթև աստիճանի հարբածության վիճակում, իր՝ Կոտայքի մարզի Եղվարդ քաղաքի, Զ. Անդրանիկի X-րդ փողոցի X տան ննջասենյակում, ակնհայտ 14 տարին չլրացած՝ 27-01-2005թ. ծնված Վալենտինա Վ.-ի անօգնական վիճակն օգտագործելով, այն է՝ դիմադրություն ցույց տալու տուժողի անկարողությունն օգտագործելով՝ իր սեռական կրքերին խաթարված ձևով հագուրդ տալու եղանակով սեքսուալ բնույթի բռնի գործողություն է կատարել նրա նկատմամբ:

Մեղադրյալի նկատմամբ խափանման միջոց է ընտրվել կալանավորումը:

iravaban.net