Բոսթոնի ահաբեկչության հեղինակները ռուսաստանցի չեչեններ են կամ թուրքեր

Բոսթոնում ահաբեկչության մեջ կասկածվող անձինք Ռուսաստանի քաղաքացիներ են հանդիսանում, ովքեր ԱՄՆ են ժամանել հյուսիսկովկասյան չեչենական շրջաններից. գրում է Associated Press-ը` հղում կատարելով իր աղբյուրներին:

Համաձայն այդ տեղեկությունների` երկու ենթադրյալ ահաբեկիչներն արդեն մեկ տարի է, ինչ ապրում էին ԱՄՆ-ում: NBC News–ը պնդում է, որ նրանք եղբայրներ են եղել և ԱՄՆ են եկել Չեչնիայից: Նրանցից մեկը սպանվել է ոստիկանության հետ փոխհրաձգության ժամանակ:
Սպանված քաղաքացու անունը Տամերլան Ցարնաև էր, նա 26 տարեկան է եղել: Նրա եղբոր անունը Ջոհար Ցարնաև է: Վերջինս 19 տարեկան է:

CBS News-ը նշում է, որ կասկածյալները կարող են լինել ինչպես ռուսաստանցիներ, այնպես էլ թուրքեր: Ոստիկանությունն այս տեղեկությունների հետ կապված պաշտոնական հայտարարություն չի արել: