Լիբանանում Հայոց ցեղասպանության ճանաչման համար բողոքի երթ է տեղի ունեցել

Ապրիլի 23-ին Լիբանանում հազարավոր հայեր բողոքի երթ են կազմակերպել՝ ի հիշատակ Հայոց ցեղասպանության 98-րդ տարելիցի. տեղեկացնում է Daily Star Lebanon-ը:

Լիբանանի մայրաքաղաք Բեյրութի Նահատակների հրապարակում լիբանանահայերն ու նրանց աջակիցները հարգանքի տուրք են մատուցել 1.5 մլն անմեղ զոհ դարձած իրենց նախնիների հիշատակին: Երթի մասնակիցները ցեղասպանությունը ճանաչելու կոչ անող պաստառներ են բարձրացրել և Անկարայի դեմ լոզունգներ վանկարկել, որը հրաժարվում է ճանաչել Ցեղասպանության փաստը: