Իրանցի տղամարդիկ կանացի հագուստ են հագել` բողոքելով դատավորի սեքսիստական վճռի դեմ (տեսանյութ)

Իրանում դատավորի կողմից կայացրած սեքսիստական բնույթի դատավճիռն աննախադեպ բողոքի ցույցեր է առաջ բերել երկրում. տեղեկացնում է ավստրիական Der Standard պարբերականը:

Իրանում Իրաքի հետ սահմանակից շրջանում բնակվող մի քուրդ տղամարդ ընտանիքում բռնություն կիրառելու մեղադրանքով դատարանի կողմից տաօրինակ պատժի է արժանացել: Մեղադրյալ քուրդը հարկադրված է եղել կնոջ հագուստով անցնել հանրության առջևով՝ որպես մեծագույն խայտառակություն:

Դատավորի այս վճիռը առաջ է բերել շատ իրանցի կանանց զայրույթը, ովքեր գտնում են, որ կին լինելը պատիժ և խայտառակություն չէ, որին կարելի է դատապարտել հանցագործներին:

Բողոքը նույնիսկ տեղափոխվել է սոցիալական մեդիա ոլորտ, որտեղ Facebook սոցիալական կայքում բացված հատուկ խմբում շատ իրանցի տղամարդիկ՝ ի նշան կանանց հետ համերաշխության, տեղադրել են կանացի հագուստներով իրենց լուսանկարները: