Իսրայելցի զինվորականները ձերբակալում են պաղեստինցի անչափահաս երեխաներին և ծաղրում նրանց

2000-ից մինչև մեր օրերը ընկած ժամանակաշրջանն Իսրայելում ձերբակալվել է ավելի քան 9.5 հազար անչափահաս պաղեստինցի երեխա: Նրանցից շատերը բանտում հայտնվելուց հետո ենթարկվել են պարբերական բռնությունների. հայտնում է Middle East Monitor պարբերականը՝ հղում կատարելով նախկին բանտարկյալ Աբդուլլահ Նասեր Ֆերվանեհին, ով մի քանի տարի շարունակ փնտրում է Գազայի հատվածից անհետացած երեխաներին:

Պաղեստինից երեխաների մեծ մասին ձերբակալում են պարզապես քարեր նետելու համար, ինչը, ըստ իսրայելական օրենքի, կարող է պատժվել մինչև 20 տարվա ազատազրկմամբ:

Համաձայն Ֆերվանեհի ուսումնասիրությունների՝ ձերբակալված երեխաներին ենթարկում են ֆիզիկական և բարոյական ճնշումների:
Ամեն տարի իսրայելական բանտերում Պաղեստինից հայտնվում է ավելի քան 750 երեխա:

«Որոշ երեխաների դատապարտել են երկարաժամկետ կամ ցմահ ազատազրկման»,-ասում է նախկին բանտարկյալը:

Ավելի վաղ ՅՈՒՆԻՍԵՖ-ը նույնպես մեղադրանք էր ներկայացրել Իսրայելին նվազագույնը 236 անչափահաս երեխայի ապօրինի ձերբակալության համար: