Ոստիկանական «օպերացիա»՝ սահմանամերձ Բերդավանում

Մայիսի 10-ի գիշերը Տավուշի մարզի սահմանամերձ Բերդավան գյուղում ոստիկանները ձերբակալել են գյուղի 43-ամյա բնակիչ Վարուժան Քարիմյանին եւ նրա կնոջը: Այս մասին գրել է aravot.am-ը:

Հաջորդ օրը նրա կնոջն ազատ են արձակել: Ոստիկանական գործողությունը կատարվել է Երեւանից ժամանած ոստիկանական խմբի կողմից: Ազատամարտի մասնակից Վարուժան Քարիմյանի տանը եղել են մեկ տասնյակ զինված ոստիկաններ: «Առավոտ»–ի թղթակցի աղբյուրները հայտնեցին, որ ոստիկանությունը կասկածներ ունի լուրջ հանցագործության կատարման վերաբերյալ: