Արթուր Ջավադյանը գնաճ է կանխատեսում

Կենտրոնական բանկի նախագահ Արթուր Ջավադյանն այսօր Lurer.com-ի խնդրանքով իր կանխատեսումները ներկայացրեց հնարավոր գնաճի հետ կապված՝ հաշվի առնելով կարկտահարության պատճառով գյուղատնտեսությանը հասցված վնասը:

-Գնաճի պահով որոշակի վերանայել ենք, էս կարկտահարության պահով: Բազմաթիվ պրոցեսներ կատարվեցին մեր բնությունում, որոնք, ճիշտ ա, բնորոշ են, ամեն տարի էլ ունենում ենք, բայց էս ծավալների չէինք ունեցել: Դրանից ելնելով՝ մենք որոշակի վերանայում արել ենք գների, իհարկե, այդքան շատ չի ազդել գների՝ ընդհանուր արտադրանքի, բերքի վրա: Օրինակ, մենք գնահատականներ ունենք, թե ինչքան ա ազդել, օրինակ, խաղողի բերքի վրա, մոտավորապես 6,5 տոկոսի վրա ա եղել՝ սպասվելիք խաղողի, ասենք, սպասվելիք բոստանային մշակաբույսերի վրա ազդել էր, որովհետև նրա 20-22 տոկոսն էր, բայց մնացած բույսերի պտուղի վրա ազդեցություն չէր ունեցել և սպասումներով ձևավորվող որոշակի թանկացումներ կլինեն, բայց ես սպասում եմ՝ բարենպաստ ա ընդհանուր տարին և շատ հանգիստ ա անցնելու,- նշեց ԿԲ նախագահը: