«Համացանցը ցնցած» աղջիկը մերկացել էր ոչ հատուկ նպատակով

Նաբերեժնիխ Չելնի քաղաքի անչափահասների գործերով հանձնաժողովը եկել է այն եզրակացության, որ իր լուսանկարներով «համացանցն ու ողջ քաղաքը ցնցած» աղջիկն օբյեկտիվի առաջ հագուստները հանել է ոչ հատուկ նպատակով:

Դրանք 16-ամյա Այգուլ Գ.-ի լուսանկարներն են: Քաղաքային ոստիկանության անչափահասների գործերով բաժնում այդ լուսանկարների պատմության ուսումնասիրությունից հետո եկել են այն եզրակացության, որ աղջիկը օբյեկտիվի առաջ է հայտնվել պատահականորեն, այն ժամանակ, երբ ուսումնական տարվա ավարտին նվիրված պաշտոնական արարողությունից հետո դպրոցական համազգեստը հանել էր՝ առօրյա ջինս և վերնազգեստ հագնելու համար:

Հաղորդելով այդ մասին՝ «lifenews.ru» կայքը նաև տեղեկացնում է, որ այդ պահին աղջկա կողքին գտնվելիս է եղել իր ընկերը, ով էլ լուսանկարել է նրան:

ՌԴ ՆԳՆ Նաբերեժնիխ Չելնիի քաղաքային վարչության Անչափահասների գործերով բաժնի պետ Ռիմա Իսկանդարովան տեղեկացրել է, որ տղան, առանց աղջկան տեղյակ պահելու իր մտադրության մասին, այդ լուսանկարները տեղադրել է համացանցում: Իսկանդարովան նշել է, որ Այգուլ Գ.-ն պարզապես դարձել է հանգամանքների զոհը և հիմա իրենք փնտրում են այս դեպքի բոլոր մասնակիցներին, որպեսզի պարզեն նկարահանումների իրականացման բոլոր մանրամասները:

Իրավապահների տվյալներով Այգուլ Գ.-ն բազմազավակ և միանգամայն բարեկեցիկ ընտանիքից է և երբեք աչքի չի զարնել թեթևաբարո վարքով: Այնուամենայնիվ նրա ծնողները հրավիրվել են քաղաքապետարան՝ պարզաբանող զրույցի, գրում է «Փաստինֆո»-ն:

Քաղաքապետարանի ներկայացուցիչ Ֆանիլյա Իլաևան ասել է, որ իրենք չեն ցանկանում իրավիճակը մանրամասն մեկնաբանել: Իսկ աշակերտուհուն ոչ վայել վարքագծի շուրջ հարցի լուծումը իրենք կքննարկեն աղջկա ծնողների հետ: