Ռուսաստան-ԵՄ գագաթնաժողովին կքննարկվի նաև Լեռնային Ղարաբաղի հակամարտությունը
Ռուսաստան
Այսօր ՌԴ Եկատերինբուրգ քաղաքում մեկնարկել է Ռուսաստան-Եվրամիություն 31-րդ գագաթնաժողովը. գրում է ИТАР-ТАСС-ը:
Ռուս պատվիրակությունը ղեկավարում է նախագահ Վլադիմիր Պուտինը, իսկ եվրոպական կողմը` Եվրախորհրդի նախագահ Հերման Վան Ռոմպեյն ու Եվրահանձնաժողովի նախագահ Ժոզե Մանուել Բարոզուն: Լիագումար նիստին կքննարկվեն Ռուսաստանի և ԵՄ-ի միջև փոխադարձ առևտրի, էներգետիկայի, օդային հաղորդակցության և կարճաժամկետ այցելություններն առանց վիզային ռեժիմի ձևակերպելու հարցերի վերաբերյալ նոր բազային համաձայնությունները:
Միջոցառման հաջորդ փուլում պլանավորված է աշխատանքային նախաճաշ, որի ժամանակ առանցքային թեմաները լինելու են Սիրիայի հակամարտությունը, Մերձավոր Արևելքում և Հյուսիսային Աֆրիկայում տիրող իրավիճակը, Իրանի միջուկային ծրագիրն ու Կորեական թերակղզում տիրող դրությունը: Քննարկման ժամանակ անդրադարձ է կատարվելու նաև հարավկովկասյան տարածաշրջանին: Այստեղ առանցքային թեմաները կլինեն Լեռնային Ղարաբաղի հակամարտությունը և Վրաստանի հետ Ռուսաստանի ունեցած խնդիրները:
Գագաթնաժողովի ավարտին ՌԴ և ԵՄ պատվիրակության ղեկավարները հանդես կգան ամփոփիչ մամլո հայտարարությամբ:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
