Ռուսաստանը պատրաստ է զորք տեղակայել Սիրիայի սահմանին

Ռուսաստանը պատրաստ է փոխարինել Գոլանի բարձունքներում (ապառազմականացված տարածք Սիրիայի և Իսրայելի սահմանագծին) Ավստրիայի խաղաղապահներին, եթե այդ հարցում լինի ՄԱԿ-ի համաձայնությունը, ինչպես նաև եթե դրանում հետաքրքրված են տարածաշրջանի երկրները, հայտարարել է նախագահ Վլադիմիր Պուտինը. գրում է РИА Новости-ն:

«Հաշվի առնելով բարդ իրավիճակը, որը ձևավորվել է Գոլանի բարձունքներում, մենք կարող ենք փոխարինել այդ տարածքից հեռացող ավստրիական ուժերին և զինվորներ տեղակայել Իսրայելի զորքերի հետ և սիրիական բանակի հետ սահմանակից շփման գծում, բնականաբար, միայն այն դեպքում, եթե տարածաշրջանային պետությունները դրանում հետաքրքրված են, և եթե ՄԱԿ-ի գլխավոր քարտուղարը խնդրի այդ մասին»,-հայտարարել է Պուտինը ռուսական բանակի սպաների հետ կայացած հանդիպման ժամանակ:

Այս հինգշաբթի օրը Ավստրիան հայտարարել էր սիրիա-իսրայելական հրադադարի սահմանագծում` Գոլանի բարձունքերի վրա, խաղաղապահ առաքելություն իրականցնող ՄԱԿ-ի ստորաբաժանումներից իր ռազմական ներուժը դուրս բերելու մտադրության մասին: