Ջրի սակագինը ոչ թե կբարձրանա, այլ՝ կիջնի

Երևանում ջրամատակարարման և ջրահեռացման ծառայություններ մատուցող «Երևան Ջուր» ընկերությունը Հանրային ծառայությունները կարգավորող հանձնաժողով խմելու ջրի սակագնի վերաբերյալ ճշգրտման հայտ է ներկայացրել: Այս մասին Lurer.com-ի թղթակցի հետ զրույցում ասացին «Երևան Ջուր» ընկերության մամլո ծառայությունից:

Տեղեկացրին նաև, որ հայտը ներկայացվել է ՀԾԿՀ ոչ թե սակագինը բարձրացնելու, այլ՝ իջեցնելու համար:

Ջրի մեկ մ³-ը կդառնա մոտավորապես 166,044 դրամ: Նոր սակագինը, հնարավոր է, ուժի մեջ մտնի արդեն հուլիս ամսից: