Աբրամովիչին իր պաշտոնում փոխարինելու է Արամայիս Դալլաքյանը

Այսօր միլիարդատեր Ռոման Աբրչամովիչն ինքնակամ վայր է դրել Չուկոտկայի ինքնավար շրջանի խորհրդարանի պատգամավորի և նախագահի լիազորությունները. գրում է РИА Новости-ն: Չուկոտկայի պետդումայի նախագահի պաշտոնում պատգամավորների կողմից ընտրվել է Արամայիս Դալլաքյանը. ասված է շրջանի պաշտոնական կայքում:

Հիշեցնենք, որ միլիարդատեր Ռոման Աբրամովիչը հեռացել է Չուկոտկայի պետդումայի նախագահի և պատգամավորի իր պաշտոնից Ռուսաստանի Դաշնությունում գործող օրենքի պատճառով, որն արգելում է Աբրամովիչին այդ պաշտոնը զբաղեցնելիս արտասահմանում անշարժ գույք ունենալ: «Աբրամովիչի հրաժարականի որոշումը պայմանավորված է այն հանգամանքով, որ վերջինս ցանկանում է հետևել ՌԴ օրենսդրությանը»,-ասված է հաղորդագրության մեջ:

Նշենք, որ Աբրամովիչը 2000թ. «դեկտեմբերի 24-ին 90% ձայների առավելությամբ հաղթել էր Չուկոտկայի ինքնավար շրջանի նահանգապետի ընտրություններում: