Խոշոր ավտովթար Մոսկվայում. կա 14 զոհ, 40-ից ավել վիրավոր

Այսօր Ռուսաստանի մայրաքաղաքի «Նոր Մոսկվայի» տարածքում ուղևորատար ավտոբուսը բախվել է բեռնատար մեքենային: ՃՏՊ-ի արդյունքում զոհվել է 14 մարդ, որոնց թվում` 1 երեխա: 40-ից ավել մարդ վիրավորվել է, որոնցից 16-ի դրությունը գնահատվում է ծանր: Նախապես տեղեկություններ էին հաղորդվում, որ ուղևորատար ավտոբուսը երեխաներ էր փոխադրում: Դեպքի վայր են ժամանել շտապ օգնության 30 մեքենա: 

Նախնական վարկածի համաձայն` ՃՏՊ-ի պատճառը բեռնատարի վարորդի կողմից երթևեկության կանոնների խախտումն է: