Վիրաբույժը հիվանդի ստամոքսից հերոին էր գողացել

ՌԴ Կրասնոյարսկի երկրամասում բժիշկ վիրաբույժը վիրահատության ընթացքում գողացել է հիվանդի ստամոքսից գտած հերոինի փաթեթները. գրում է Gazeta.ru-ն: 

Քաղաքային հիվանդանոցի բժիշկը վիրահատական միջամտություն է կատարել տղամարդուն, ով իր ստամոքսում փորձել էր հերոին տեղափոխել արտասահման:

Ոստիկանությունը օպերատիվ գործողությունների ընթացքում պարզել է, որ բժիշկը վիրահատության ընթացքում հանված թմրադեղերի զգալի քանակը յուրացրել է:

Ձերբակալման պահին բժիշկը եղել է թմրադեղերի ազդեցության տակ: Նրան սպառնում է մինչև 15 տարվա ազատազրկում: