Վրացական եկեղեցին յուրացրել է երկու հայկական մատուռ (ֆոտո)
Վրաստան
Արդեն մի քանի ամիս է, ինչ Վրաց ուղղափառ եկեղեցին որպես իրեն ունեցվածքն է գրանցել երկու հնամյա մատուռներ, որոնք տեղի հայերի կողմից մշտապես ճանաչվել են որպես քրոջ եւ եղբոր վանքեր: Այս մասին գրել է Akhaltskha.Net-ը:
Այնուհետև նշված է՝ «Վանքերի ինքնության մասին հավանաբար չեն պահպանվել պատմական տվյալներ, սակայն մատուռների հնամյա տեսքից կարելի է դատել նրանց ինքնության մասին:
Մատուռներից մեկի վրա կա խոյի նշանը եւ մասամբ պահպանվել է մկրտարանը: Երկրորդ մատուռը համեմատաբար ավելի լավ է պահպանված: Այնտեղ կարելի է տեսնել բարձր խորան եւ մկրտարան: Սրբավայրերի կողքին կարելի է տեսնել փոքրիկ մանկական գերեզման:
Մատուռների մոտակայքում կան հայկական արձանագրություններով քարեր, որոնք հավանաբար ժամանակին պոկվել են եւ վայր են գլորվել բարձրունքից:
Այսօր արդեն Վրաց ուղափառ եկեղեցու հոգեւորականները ժողովրդի ուղեկցությամբ այցելել են տվյալ սրբավայրերը: Հավանաբար մատուռները արդեն ունեն նոր անուններ եւ նոր պատմություն, քանզի իրական պատմության եւ վանքերի տերերը, ովքեր պետք է լինեին ժողովրդի առաջնորդներ, այսօր լուռ են եւ զբաղված (ավելի կարեւոր) կենացաճառեր ասելու գործերով»։
ՈՒՂԻՂ ԵԹԵՐ
Ամենադիտված 
Պարոն վարչապետ, չհասկացա` Ձեր այսօրվա խոսքը ու՞մ էր ուղղված. Արամ Սարգսյան
