ՀԿԵ-ում ամփոփեցին հունվար-սեպտեմբերի աշխատանքի արդյունքները

«Հարավկովկասյան երկաթուղի» ՓԲԸ գլխավոր տնօրեն Վիկտոր Ռեբեցը հոկտեմբերի 14-ին կայացած խորհրդակցության ժամանակ ամփոփեց Ընկերության հունվար-սեպտեմբերին կատարած աշխատանքի արդյունքները: Ինչպես նշեց տնօրենն, անցած ժամանակահատվածը բավարար է ՀԿԵ-ի աշխատանքը գնահատելու և 2014 թվականի համար ծրագրեր մշակելու համար:

Վիկտոր Ռեբեցը տեղեկացրեց, որ 2013 թվականի հունվար-սեպտեմբերի բեռնափոխադրումների ծավալը կազմել է 2,4 մլն տոննա բեռ, ինչը կազմում է 96,7% նախատեսված ցուցանիշից և 95,6% անցյալ տարվա նույն ժամանակահատվածում գրանցված ցուցանիշից:

Միևնույն ժամանակ Ընկերության ղեկավարն ընդգծեց, որ բեռնման ցուցանիշը գերազանցել է 1,5 մլն տոննա, ինչը 2,1%-ով գերազանցում է անցյալ տարվա հունվար-սեպտեմբերի ցուցանիշները:

ՀԿԵ գլխավոր տնօրենի տվյալների համաձայն, 2013 թվականի 9 ամիսների արդյունքներով՝ դրական դիմնամիկա են արձանագրել այնպիսի կաևոր ցուցանիշներ, ինչպիսիք են տարանցիկ վագոնների պարապուրդի ժամանակը, լոկոմոտիվի միջին օրեկան վազքը, գնացքի միջին քաշը:

Խոսելով ուղևորափոխադրումների մասին՝ Վիկտոր Ռեբեցը նշեց, որ, չնայած ուղևորաշրջանառության դրական դինամիկայի, ներհանրապետական հաղորդակցությունում ուղևորափոխադրումների 1,3%-նոց աճին, անհրաժեշտ է շարունակել երկաթուղային ուղևորափոխադրումների մրցունակության ուղղությամբ տարվող աշխատանքը:

Այս համատեքստում նա հատուկ ուշադրություն դարձրեց գնացքների չվացուցակի կատարման խնդրին: Համաձայն գլխավոր տնօրենի կողմից բերված տվյալներին՝ անցած ժամանակահատվածում ուշացել է 147 գնացք, իսկ ուշացման ժամանակը կազմել՝ 187 ժամ: Այդ թվում 164 ժամով ուշացել է 110 բեռնատար գնացք, իսկ 23 ժամով՝ 11 միջազգային և 26 մերձքաղաքային ուղևորատար գնացք:

- Անհրաժեշտ է հատուկ ուշադրություն դարձնել գնացաների չվացուցակի կատարման հարցին, որը կարևորագույնն է երաթուղու աշխատանքի մեջ, - ասաց Վիկտոր Ռեբեցը:

Անդրադառնալով երկաթուղայինների աշխատավարձերի աճին՝ Ընկերության ղեկավարը հիշեցրեց, որ անցած ժամանակահատվածում ՀԿԵ-ի աշխատողների միջին ամսեկան աշխատավարձը կազմել է 195 758 դրամ, ինչը 10,7% գերազանցում է 2012 թվականի ցուցանիշը: Համեմատության համար նա նշեց, որ հանրապետությունում միջին ամսեկան աշխատավարձը կազմում է 145 հազ դրամ, իսկ աճը՝ 4,7%:

Վիկտոր Ռեբեցը հատուկ ուշադրություն դարձրեց ենթակառուցվածքի արդիականացման, գնացքների անվտանգության մակարդակի և աշխատանքի պահպանման հարցերին՝ համապատասխան հանձնարարություններ տալով պատասխանատուներին:

Միևնույն ժամանակ Ընկերության գլխավոր տնօրենը հանձնարարեց ակտիվացնել բեռնափոխադրումների ավելացման ուղղությամբ տարվող աշխատանքը, հավասարակշռել բյուջեի ծախսային և եկամտային մասերը, հատուկ ուշադրություն դարձնել ենթակառուցվածքի արդիականացմանը: