Մոսկվայում խարդախության համար հայեր են ձերբակալվել

Մոսկվայում ձերբակալել են Հայաստանի և Դաղստանի 5 քաղաքացիների, որոնց կասկածում են 5 հազար ռուբլիանոց թղթադրամների կեղծման մեջ. գրում է Интерфакс-ը: 

Բոլոր ձերբակալվածներն ու հանցախմբի պարագլուխն արդեն կալանքի տակ են վերցվել դատարանի որոշմամբ: Ոստիկանությունը կարծում է, որ չարագործներն այլ համախոհներ էլ են ունեցել, որոնք, սակայն, անհետացել են:

Հանցախմբի պարագլուխն է եղել ազգությամբ հայ ՌԴ մի քաղաքացի, ով բնակվում էր Պոդվոսկովիեում: Քննիչները ենթադրում են, որ կեղծ դրամահատությամբ խումբը զբաղվում է դեռևս 2010-ից: