Հրաչյա Հարությունյանի փաստաբանը դատի է տվել նրան խալաթ հագցրած քննիչին
Ռուսաստան
Մերձմոսկովյան շրջանում ողբերգական ավտովթարի համար մեղադրվող Հրաչյա Հարությունյանի փաստաբանը դատի է տվել քննիչին, ով իր պաշտպանյալին դատարանի դահլիճ էր բերել կանացի խալաթով:
Մեղադրյալին կանացի խալաթով և հողաթափերով դատարանի դահլիճ բերելը, ըստ իս, անձին կալանավորելու վերաբերյալ օրենքի խախտում է. Life News-ին հայտնել է Հրաչյայի փաստաբան Ռուբեն Մարգարյանը:
Նա պարզաբանել է, որ չնայած այն հանգամանքին, որ Հարությունյանը ցանկություն է հայտնել կապվել հարազատների հետ և նորմալ հագուստ խնդրել, այդ խնդրանքը չի կատարվել:
Մարգարյանը հույս է հայտնել, որ դատարանը վերջապես վերջակետ կդնի Հարությունյանի խալաթի պատմությանը, քանի որ համապատասխան բողոքները դատախազություն և քննչական կոմիտե ոչ մի արդյունքի չեն բերել:
Հիշեցնենք, որ Հրաչյա Հարությունյանը հուլիսի 13-ին իր վարած «Կամազ» մակնիշի բեռնատարով Պոդոլսկում բախվել էր ուղևորատար ավտոբուսին, ինչի արդյունքում զոհվել էր 18 մարդ:
Հարությունյանը լիովին ճանաչել է իր մեղքը և խոստովանել, որ խախտել է ճանապարհային երթևեկության կանոնները` փորձելով կանգնեցնել բեռնատարը, որի արգելակները չէին աշխատում:
ՈՒՂԻՂ ԵԹԵՐ
Ամենադիտված 
Թրամփը նշել է «աշխարհի մեծագույն առաջնորդներից» երկուսի անունները
