Լարված դատավարություն Կապանում. ամբաստանյալը տեղի զինկոմի տղան է. shamshyan.com

Իրավունք 18 Դեկտեմբեր, 2013 22:39

Այսօր' դեկտեմբերի 18-ին, Սյունիքի մարզի ընդհանուր իրավասության դատարանի Կապանի նստավայրում դատական նիստ էր, որն անցնում էր բավականին լարված իրավիճակում:

Ինչպես հայտնում է shamshyan.com-ը, ամբաստանյալը Կապանի զինկոմ Լեոնիդ Գրիգորյանի որդին է' Էմին Գրիգորյանը: Վերջինիս նկատմամբ ոստիկանության քննչական գլխավոր վարչության Սյունիքի մարզի քննչական բաժնի Կապանի քննչական բաժանմունքում հարուցվել է քրեական գործ՝ ՀՀ քր.օր-ի 242 հոդվածի 2-րդ մասի հատկանիշներով:

Ամբաստանյալ Է. Գրիգորյանը դատարան էր ժամանել Պաշտպանության նախարարության համարանիշներով Վիլիս մակնիշի ավտոմեքենայով, որը՝ ըստ դատարանի մոտ հավաքվածների, նրա հոր' Կապանի զինկոմ Լ. Գրիգորյանի ծառայողական ավտոմեքենան է: Դատական նիստը նախագահում է Սյունիքի մարզի ընդհանուր իրավասության դատարանի դատավոր Նապոլեոն Օհանյանը: Ինչպես ավելի վաղ հայտնել էր ֆոտոլրագրողը, այս տարվա հունիս 1-ի լույս 2-ի գիշերը Է. Գրիգորյանը վարելով Volkswagen մակնիշի 51 TN 111 համարանիշի ավտոմեքենան Կապան քաղաքում վթարի էր ենթարկվել, ինչի հետևանքով Կապանի բնակիչ 21-ամյա Կարեն Ղազարյանը տեղում մահացել էր:

Դատարանի մոտը հավաքված մեծ թվով Կապանցիներ զայրացած պատմում էին, որ քննչական մարմինը նախաքննության ընթացքում գործը 180 աստիճան շուռ է տվել ի օգուտ Է. Գրիգորյանի ու չգիտես որտեղից վկաներ են հայտնաբերել, որ իբրև զինկոմի տղան վթարից հետո փախուստի չի դիմել, օգնություն է ցուցաբերլ, մինչդեռ վթարից հետո վիրավորին թողնելով անօգնական, դիմել է փախուստի:

Նրան հայտնաբերել են Կապանի ոստիկանները' օպերատիվ տվյալներն իրացնելիս: Իսկ ամբաստանյալն ու նրա հայրը, ըստ Կապանցիների այդ օրերին ինքնավստահ հայտարարում էին, որ «լավ էր, սաղ ռեսպուբլիկան ընկած է Լիսկայով ու մեզի մոռացան: Հալալա Լիսկային, կրակեց' մենք պրծանք, թե չէ Երևանցի լրագրողները գրելու էին մեր մասին»:

Մանրամասն` այստեղ