Հոգեբանական ճնշում և սպառնալիքներ` վարույթն իրականացնող անձանց կողմից

ՀՀ հատուկ քննչական ծառայության վարույթ է ընդունվել ՀՀ ՔՕ 262-րդ հոդվածի 2-րդ մասի 5-րդ կետով' ՀՀ ոստիկանության ՔԳՎ Երևան քաղաքի Շենգավիթի քննչական բաժնում հարուցված քրեական գործը:

Նախաքննությամբ պարզվել է, որ քաղաքացի Ա. Մ.-ն 2013թ. օգոստոսի 30-ից մինչև սեպտեմբերի 2-ն ընկած ժամանակահատվածում մարմնավաճառներ Վ. Հ.-ին և Ա. Հ.-ին գումարով վարձատրության դիմաց թույլատրել է նստել իր կողմից շահագործվող «Շկոդա» մակնիշի ավտոմեքենան ու շրջել Երևանյան լճի տարածքում, որի ընթացքում Վ. Հ.-ն և Ա. Հ.-ն պարբերաբար զբաղվել են մարմնավաճառությամբ:
Ա. Մ.-ն մեղադրյալի իր ցուցմունքով հայտնել է, որ 2013թ. սեպտեմբերի 2-ին ՀՀ ոստիկանության ՔԳՎ Երևան քաղաքի Շենգավիթի քննչական բաժնի աշխատակիցներն իր նկատմամբ գործադրել են հոգեբանական ճնշում, չեն բացատրել իր իրավունքները, ինչի ազդեցության ներքո այդ օրը վերցրել են բացատրություն:

Բացի այդ, Ա. Մ.-ն նշել է, որ իր նկատմամբ սպառնալիքներ է հնչեցրել նաև նույն քննչական բաժնի քննիչը:
Կատարվում է նախաքննություն:

Ծանուցում. Հանցագործության մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով' դատարանի' օրինական ուժի մեջ մտած դատավճռով: