Պուտինն ու Լուկաշենկոն հոկեյ են խաղացել. նախագահների թիմը ջախջախիչ հաղթանակ է տարել
Ռուսաստան
Ռուսաստանի նախագահ Վլադիմիր Պուտինը և Բելառուսի նախագահ Ալեքսանդր Լուկաշենկոն մասնակցել են Ռուսաստանի հոկեյի աստղերից կազմված խաղին, որը տեղի է ունեցել Սոչիի Օլիմպիական պալատում: Այս մասին հայտնում է gazeta.ru-ն' վկայակոչելով R-SPORT լրատվական գործակալությունը:
Երկու առաջնորդները խաղացել են կարմիր համազգեստով՝ նույն թիմում: Պուտինի և Լուկաշենկոյի թիմում հանդես են եկել Վյաչեսլավ Ֆետիսովը, Պավել Բուրեն, Ալեքսանդր Կոժևնիկովը, Անդրեյ Կովալենկոն, Ալեքսեյ Գուսարովը և Ռուսաստանի պաշտպանության նախարար Սերգեյ Շոյգունը: Հակառակորդ թիմի կազմում՝ սպիտակ համազգեսներով, եղել են Օլիմպիական խաղերի աշխարհի չեմպիոն Իրեկ Գիմայևը, Ալեքսանդր Գոլիկովը, Նիկոլայ Մակարովը, Սերգեյ Մակարովը, Ալեքսանդր Մոգիլնին, Ալեքսանդր Յակուշևը:
Խաղն ավարտվել է 12:3 հաշվով՝ հօգուտ Պուտինի թիմի:
«Առաջնորդները Նոր տարվա առթիվ հեռախոսազրույց էին ունեցել միմյանց հետ: Իմանալով, որ հոկեյի համաշխարհային աստղերի խաղը նախատեսվում է անցկացնել Սոչիում, ինչպես նաև հաշվի առնելով Լուկաշենկոյի մեծ սերը հոկեյի նկատմամբ, Պուտինը հրավիրել է նրան Սոչի: Նախագահներն օգտվել է այդ հնարավորությունից և դուրս եկել խաղի»,- ասել է նախագահի մամլո քարտուղար Դմիտրի Պեսկովը:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
