Վլադիմիր Ժիրինովսկին սեռական կյանքի նորմատիվ է սահմանել

Վլադիմիր Ժիրինովսկին կուսակցության անդամներին բուսակեր դարձնելու ծրագրից հետո, անցում է կատարել սեռական կյանքին և այդ մասին նորմատիվ սահմանել: Այս մասին հայտնում է Вечерняя Масква-ն:

Ըստ Ռուսաստանի լիբերալ-դեմոկրատական կուսակցության ղեկավարի՝ սեռական կյանքի նորմատիվը նախատեսում է տարեկան 3-4 անգամից ոչ ավելի:

«Եվ այս տարվանից ներդնում ենք սեռական կյանքի համար նորմատիվներ` եռամսյակը մեկ անգամ: Պոռնոգրաֆիկ ֆիլմերի ազդեցության տակ, երիտասարդ սերնդի մոտ նստվածք է տալիս այն գաղափարը, որ որքան շատ, այնքան լավ: Որքան քիչ, այնքան լավ: Եռամսյակը մեկ` մոտավորապես տարին 3-4 անգամ բավական է»,- հայտարարել է Ժիրինովսկին:

Այն հարցին, թե ինչպես են լիբերալ-դեմոկրատները դիմավորել Ամանորը, Ժիրինովսկին ասել է, որ առանց ալկոհոլի և ծխախոտի, իսկ ուտելիքը բուսական ծագման է եղել:

«Առողջ ապրելակերպի գլխավոր պայմաններից մեկն այն է, երբ կարողանում ես ասել «ոչ»` խմելուն, ծխելուն, մսին. միայն բուսական սնունդ և իհարկե «սեռական զգոնություն»,-ավելացրել է Ժիրինովսկին: