Հայաստանում աճել է կաթնամթերքի արտադրությունը

Հայաստանի Հանրապետությունում կաթնամթերքի մի շարք տեսակների արտադրության ցուցանիշներն աճել են, իսկ պանրինը՝ նվազել: 2013 թվականին 2012-ի համեմատ կաթի արտադրության ցուցանիշն աճել է 6.2 տոկոսով և կազմել 339.5 միլիոն լիտր, մածունինը՝ 13 տոկոսով և հասել 3 հազար 551.3 տոննայի: ՀՀ Ազգային վիճակագրական ծառայության տվյալներով՝ 2013 թվականին 2012-ի համեմատ պանրի արտադրության ծավալը նվազել է 1.6 տոկոսով և կազմել 17 hազար 375.4 տոննա:

Նախորդ տարի 2012 թ.-ի համեմատ կաթնաշոռի արտադրության ծավալն աճել է 19 տոկոսով և կազմել 1010.7 տոննա, իսկ թթվասերինը՝ 1.5 տոկոսով և դարձել 3 հազար 453.2 տոննա:

2012 թվականին Հայաստանում արտադրվել է 319.8 միլիոն լիտր կաթ, 17 հազար 658 տոննա պանիր, 3 հազար 141.8 տոննա մածուն, 3 հազար 400.5 տոննա թթվասեր և 849.4 տոննա կաթնաշոռ: