ՎԶԵԲ-ի 2 մլրդ դրամ արժեքով պարտատոմսերը տեղաբաշխվել են «ՆԱՍԴԱՔ ՕԷՄԷՔՍ Արմենիայում»
Տնտեսություն
«ՆԱՍԴԱՔ ՕԷՄԷՔՍ Արմենիայում» տեղաբաշխվել է Վերակառուցման և զարգացման եվրոպական բանկի ՀՀ դրամով արտահայտված արժեկտրոնային պարտատոմսերի 1-ին թողարկումը: Ընկերության 2 մլրդ ՀՀ դրամ ընդհանուր անվանական արժեքով լողացող արժեկտրոնով պարտատոմսերը հաջողությամբ տեղաբաշխվել են բորսայական տեղաբաշխման հարթակի միջոցով:
Արժեկտրոնի մեծությունը հղված է ՀՀ Կենտրոնական բանկի կողմից հրապարակվող 6-ամսյա պարտատոմսերի եկամտաբերության կորի արժեքին, որին գումարվում է 0.3 տոկոս մարժա (ապրանքների վաճառման և գնման գների տարբերություն) հետագա արժեկտրոնային վճարման համար: Աճուրդի ընթացքում ձևավորված' արժեկտրոնի կտրման եկամտաբերությունը կազմել է 8.555 տոկոս:
Սա միջազգային ֆինանսական կազմակերպության կողմից թողարկված պարտատոմսերի առաջին բորսայական հրապարակային տեղաբաշխումն է Հայաստանում, որն ընդլայնում է «ՆԱՍԴԱՔ ՕԷՄԷՔՍ Արմենիա»-ի տեղաբաշխման տեխնոլոգիաներն օգտագործող հաճախորդների ցանկը և Հայաստանի կապիտալի շուկայում ներդրումային հնարավորությունների ընդլայնման հիմք է ստեղծում: Տեղաբաշխմանն աջակցել են «Ամերիաբանկ» ՓԲԸ-ն և «Էյչ-Էս-Բի-Սի Բանկ Հայաստան» ՓԲԸ-ն:
ՈՒՂԻՂ ԵԹԵՐ
Ամենադիտված 
Վենսը Բաքվում կատակել է Մեհրիբան Ալիևայի մասին
