Մրգահյութերի և հանքային ջրերի արտադրությունը Հայաստանում բուռն աճել է գրանցել

Հայաստանի Հանրապետությունում մրգահյութերի արտադրության ծավալը նախորդ տարի 2012թ. համեմատ աճել է 17.3 տոկոսով և կազմել 18 միլիոն 924 հազար 200 լիտր: Տոմատի հյութերի արտադրությունն աճել է 2.5 տոկոսով և հասել 618.4 հազար լիտրի: ՀՀ Ազգային վիճակագրական ծառայության տվյալներով՝ 2013 թ. մեր երկրում արտադրվող ոչ ալկոհոլային խմիչքների ծավալն աճել է 36.2 տոկոսով և կազմել 61 միլիոն 710 հազար 100 լիտր, իսկ հանքային ջրերինը՝ 31 տոկոսով՝ հասնելով 43 միլիոն 215 հազար 300 լիտրի: «Արմենպրես»-ի հաղորդմամբ՝ աղբյուրի ջրի արտադրության ծավալը 2013 թ. 2012-ի համեմատ աճել է 33.3 տոկոսով և կազմել 21 միլիոն 984.2 հազար լիտր:

2012 թվականին Հայաստանում արտադրվել է 16 միլիոն 138 հազար 300 լիտր մրգահյութ, 603.3 հազար լիտրի տոմատի հյութ, 45 միլիոն 320 հազար 800 լիտր ոչ ալկոհոլային խմիչքներ: Հանքային ջրերի արտադրության ծավալը 2012թ. կազմել է 32 միլիոն 977 հազար 300 լիտր, իսկ աղբյուրի ջրերինը՝ 16 միլիոն 488 հազար 300 լիտր: