«ՆԱՍԴԱՔ ՕԷՄԷՔՍ Արմենիա»-ն տեղաբաշխել է Ազգային հիփոթեքային ընկերության պարտատոմսերը
Տնտեսություն
Ազգային հիփոթեքային ընկերությունը «ՆԱՍԴԱՔ ՕԷՄԷՔՍ Արմենիա»-ի բորսայական հարթակում տեղաբաշխել է իններորդ թողարկման (100 հազար ՀՀ դրամ անվանական արժեքով, 12 ամիս ժամկետայնությամբ, 10 հազար հատ անվանական զեղչատոկոսային) պարտատոմսերը: Ինչպես տեղեկացրին Ազգային հիփոթեքային ընկերության մամուլի ծառայությունից, տեղաբաշխումը կայացել է ստանդարտ, փակ (եվրոպական) աճուրդի անցկացման միջոցով։
Տեղաբաշխման ընթացքում ներկայացված գնման հայտերի ընդհանուր ծավալը կազմել է 924 մլն 419 հազար 680 դրամ, իսկ բավարարված գնման հայտերի ընդհանուր ծավալը' 741 մլն 58 հազար 200 դրամ: Տեղաբաշխված պարտատոմսերի միջին կշռված եկամտաբերությունը կազմելէ 8.6766 տոկոս, սահմանային (կտրման) եկամտաբերությունը` 8.8013 տոկոս:
Պարտատոմսրի տեղաբաշխման արդյունքում հավաքագրված գումարներն ընկերությունն ուղղելու է բնակարանային հիփոթեքային վարկերի վերաֆինանսավորմանը:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
