Ռուսաստանի քաղաքացիությունը` 10 միլիոն ռուբլիով

ՌԴ-ի Համերկրային միգրացիոն ծառայությունը և Էկոնոմիկայի նախարարությունը մշակել են օրինագիծ, որով առաջարկվում է Ռուսաստանի քաղաքացիություն տրամադրել այն օտարերկրացիներին, ովքեր ՌԴ-ի տնտեսության մեջ կներդնեն առնվազն 10 միլիոն ռուբլի: Այդ մասին գրում է «Կոմերսանտ» թերթը:

Ըստ հրատարակության տվյալների՝ «ՌԴ-ի քաղաքացիության մասին» օրենքում համապատասխան ուղղումներն արդեն քննարկում են անցել կառավարությունում և շուտով կներկայացվեն Դումայի քննարկմանը: Ուղղումներն, ինչպես նշված է բացատրական գրությունում, մշակվել են 2012-2015 թվականների համար պետական միգրացիոն քաղաքականության հայեցակարգի իրագործման շրջանակներում:

Հիշեցնենք, որ 2013 թվականին, ըստ ՌԴ-ի Համերկրային միգրացիոն ծառայության տվյալների՝ Ռուսաստանի քաղաքացիություն է ստացել 135,7 հազար օտարերկրացի: