Գագիկ Բեգլարյանը դե՞մ է կուտակային կենսաթոշակային համակարգին

Հայաստանի տրանսպորտի և կապի, ինչպես նաև Բնապահպանության նախարարություններում պարտադիր կուտակային կենսաթոշակների պահումները ստիպողաբար չեն կատարվել: Այդ մասին ՀՀ կառավարության նիստից հետո լրագրողների հետ զրույցում վստահեցրեցին նշված երկու գերատեսչությունների ղեկավարները՝ Գագիկ Բեգլարյանը և Արամ Հարությունյանը: «Ովքեր չեն համաձայնել վճարել, նրանցից պահումներ չեն կատարվել»,-ասաց Բեգլարյանը:

Արամ Հարությունյանի խոսքով՝ իրենք առաջ են շարժվում ինչպես կարգն է, ստիպողական գործառույթ չեն կատարում: Պարտադիր կուտակային կենսաթոշակային համակարգը Հայաստանում ուժի մեջ է մտել հունվարի 1-ից: Հունվարի 24-ին ՀՀ Սահմանադրական դատարանի աշխատակարգային որոշմամբ կասեցվել էր «Կուտակային կենսաթոշակների մասին» Հայաստանի Հանրապետության օրենքի 76-րդ հոդվածը և 86-րդ հոդվածի երրորդ մասը, որոնք, ազատում են պատիժներից, եթե գործատուները մինչև մարտի 28-ն իրենց աշխատողների աշխատավարձից չեն կատարում պարտադիր պահումները: «Կուտակային կենսաթոշակների մասին» ՀՀ օրենքի սահմանադրականության հարցը Սահմանադրական դատարանը կքննի մարտի 28-ին: