Պուտինն ստորագրել է Պետդումայի ընտրությունների խառը համակարգին վերադառնալու օրենքը

Ռուսաստանի նախագահ Վլադիմիր Պուտինն ստորագրել է Պետդումայի ընտրությունների խառը համակարգին վերադառնալու օրենքը: Այս մասին հայտնել է itar-tass-ը: Նոր կանոնների համաձայն` 225 պատգամավոր ընտրվում է կուսակցական ցուցակներով և նույնքանն էլ՝ ըստ միամանդատ ընտրատարածքների: Օրենքի տեքստը հրապարակված է իրավական տեղեկատվության պաշտոնական ինտերնետ-պորտալում:

Պետության ղեկավարն օրենքի հայեցակարգը խորհրդարանի ստորին պալատի քննարկմանը ներկայացրել էր 2013 թվականի գարնանը: Այս տարվա փետրվարի 19-ին փաստաթղթին հավանություն է տվել Դաշնության խորհուրդը: Դրա հիմնական դրույթներն ուժի մեջ են մտնում պաշտոնական հրապարակումից հետո:

Նոր կանոններն առաջին անգամ Պետդումայի համերկրային ընտրություններում առաջին անգամ կկիրառվեն 2016 թվականին: