ՀՀ էներգետիկայի փոխնախարարը ՄՄ-ին անդամակցելուց հետո չի բացառում նավթամթերքի էժանացումը

Մաքսային միությանը Հայաստանի անդամակցելու և Ռուսաստանից նավթամթերքի ներմուծման ծավալներն ավելացնելու դեպքում դրա գինը հնարավոր է իջնի: Այդ մասին փետրվարի 26-ին հրավիրած ասուլիսում նշեց ՀՀ էներգետիկայի և բնական պաշարների նախարարի տեղակալ, Էներգետիկայի հարցերով աշխատանքային խմբի ղեկավար Իոսիֆ Իսայանը: Նա հիշեցրեց, որ ՄՄ անդամ երկներից նավթամթերքի ներմուծումն ազատված է մաքսատուրքից: «Ես կարծում եմ, որ կարող է էժանանալ, իմ մասնավոր կարծիքն եմ ասում»,- նշեց Իսայանը: Փոխնախարարի խոսքով, ինչո՞ւ պետք է երրորդ երկրից նավթամթերք ներմուծվի, երբ հնարավորություն կա Ռուսաստանից ավե լի էժան գնով բերել:

Հայաստանի Հանրապետություն ոչ հում նավթի և նավթամթերքի ներկրման ծավալն անցյալ տարի, 2012 թվականի համեմատ, նվազել է 5.3 տոկոսով և կազմել 327 հազար 990 տոննա: Նախորդ տարի մեր երկիր ներմուծված ոչ հում նավթի ու նավթամթերքի ընդհանուր ծավալի մոտ 30-ական տոկոսը Ռումինիայից ու Ռուսաստանից է եղել, մոտ 14 տոկոսը՝ Բուլղարիայից, 12.5 տոկոսը՝ Իսրայելից, շուրջ 9.6 տոկոսը՝ Իրաքից: