Հայաստանը 17 տոկոսով ավելացրել է Վրաստան երշիկեղենի արտահանումը

Հայաստանից Վրաստան երշիկեղենի և նմանատիպ մթերքի արտահանման ծավալն անցյալ տարի 2012 թվականի համեմատ աճել է 17 տոկոսով և հասել 271.6 տոննայի: Վրաստան արտահանված երշիկեղենի մաքսային ընդհանուր արժեքը գերազանցել է 1.5 միլիոն դոլարը: ՀՀ կառավարությանն առընթեր պետական եկամուտների կոմիտեի տվյալներով՝ 2012 թվականին Վրաստան է արտահանվել 232.1 տոննա երշիկեղեն:

Նախորդ տարի մեր երկրից երշիկեղենն արտահանվել է նաև Թուրքմենստան (94,4 տոննա): Անցյալ տարի, ընդհանուր առմամբ, Հայաստանից արտահանվել է 367 տոննա երշիկեղեն, ինչը 57 տոկոսով գերազանցել է 2012 թվականի ցուցանիշը (233.8 տոննա): Հայաստանում անցյալ տարի արտադրվել է 4 հազար 757 տոննա մսամթերք (ներառյալ երշիկեղեն), ինչը 1.8 տոկոսով գերազանցել է 2012 թվականի ցուցանիշը: