Հայաստանը ՄՄ-ի հետ կակտիվացնի «զգայուն» ապրանքատեսակների մաքսատուրքերի շուրջ քննարկումները

Հայաստանի Հանրապետությունը շուտով ավելի ակտիվ քննարկումներ կծավալի Մաքսային միությանն անդամակցելու շրջանակում զգայուն ապրանքատեսակների մաքսատուրքերի հարցով: Այդ մասին մարտի 1-ին հրավիրած ասուլիսում նշեց ՀՀ էկոնոմիկայի փոխնախարար Կարինե Մինասյանը: «Ես կարծում եմ' դա հիմնական հարցերից մեկն է մեր բանակցությունների, և մենք դրա մասին բազմաթիվ անգամ ասել ենք: Այո, սկսվել են աշխատանքները, արդեն զգայուն ապրանքներ «նախնական ցուցակը ներկայացվել է քննարկման և շուտով արդեն ավելի ինտենսիվ կսկսվեն բանակցությունները բոլոր երկրների հետ»,-ասաց Մինասյանը:

Էկոնոմիկայի փոխնախարարի խոսքով՝ Հայաստանի Հանրապետության կողմից իրականացվել է 70-ից ավելի միջոցառում, որը մոտ 50 տոկոսն է այն միջոցառումների, որոնք մենք պետք է իրականացնեինք մինչև Մաքսային միությանը միանալը:

ՀՀ նախագահ Սերժ Սարգսյանը սեպտեմբերի 3-ին Մոսկվայում հայտարարել է Մաքսային միությանը միանալու վերաբերյալ Հայաստանի Հանրապետության որոշման և այդ նպատակով անհրաժեշտ կատարելիք քայլերը ձեռնարկելու, իսկ հետագայում՝ Եվրասիական տնտեսական միության ձևավորմանը մասնակցելու մասին: Դեկտեմբերի 24-ին Մոսկվայում տեղի ունեցավ ՄՄ անդամ պետությունների ղեկավարների հանդիպումը, որի ժամանակ ստորագրվեց նաեւ Հայաստանի Մաքսային միությանն անդամակցելու համար նախատեսված ճանապարհային քարտեզը: Հայաստանը ՄՄ-ի հետ կսկսի բանակցությունները ավելի քան 900 ապր անքատեսակների մաքսատուրքերի առնչությամբ: Ցանկում ներառված են այն ապրանքատեսակները, որ երրորդ երկրից Հայաստան են ներկրվում ավելի ցածր մաքսային դրույքաչափերով, քան Մաքսային միության համար գործող դրույքաչափերն են։