Հայ դատի ներկայացուցիչը կանադացի նախարարներին հրավիրել է մասնակցելու Ցեղասպանության զոհերի ոգեկոչման արարողությանը

Կանադայի Հայ դատի հանձնախմբի Արևմտյան շրջանի ներկայացուցիչ Վահե Անտոնյանը ներկա է գտնվել Բրիտանական Կոլումբիայի արդարադատության նախարարության Վանկուվերի նոր գրասենյակի բացման հանդիսավոր արարողությանը։ Ինչպես տեղեկացնում են Հայ դատի կենտրոնական խորհրդից, նա առանձնազրույցներ է ունեցել Բրիտանական Կոլումբիայի արդարադատության նախարար Սյուզան Անթոնի և մշակույթի նախարար Ջոն Յափի հետ՝ նրանց ուշադրությունը հրավիրելով Վանկուվերի հայկական գաղութին առնչվող հարցերին։

Նա նախարարներին հրավիրել է մասնակցելու Հայոց ցեղասպանության զոհերի Վանկուվերում կայանալիք ոգեկոչման առաջիկա արարողությանը։