Առնվազն 18 մարդ է տուժել Ճապոնիայում տեղի ունեցած երկրաշարժի հետևանքով. ԶԼՄ-ներ

Առնվազն 18 մարդ է տուժել լույս մարտի 14-ի գիշերը Ճապոնիայի հարավ-արևմուտքում տեղի ունեցած երկրաշարժի հետևանքով, տեղեկացնում են տեղական ԶԼՄ-ները:

Ստորգետնյա ցնցումների մագնիտուդը կազմել է 6,3: Երկրաշարժի օջախը գտնվում էր Ճապոնական ծովում՝ Հոնսյու, Կյուսյու և Սիկոկու կղզիների միջև:

Մի քանի շենքերի աննշան վնաս է պատճառվել: Մեծ ավերածությունների մասին չի հաղորդվել, սակայն տեղեկատվություն է ստացվել ջրատար խողովակների ճեղքվածքների մասին:

Երկրաշարժի պատճառով խախտվել է երկաթուղային հաղորդակցությունը մի շարք տարածաշրջաններում: