Լոնդոնում կվերաբացվի կանանց նվիրված գրադարանը. The Guardian

Կանանց մասին գրքեր ու ամսագրեր ունեցող Women's Library գրադարանը որոշակի դադարից հետո մարտի վերջին կրկին կվերաբացվի: Ինչպես հաղորդում է The Guardian-ը, գրադարանի փակումը մեծ անհանգստություն էր առաջացրել հասարակության շրջանում, և քաղաքային իշխանությունները բազմաթիվ նամակներ էին ստանում այդ կապակցությամբ: Պարզվել է, որ գրադարանի այցելուների մեծամասնությունը հենց տղամարդիկ են' գրականագետներ, պատմաբաններ, գյուտարարներ: Ըստ նրանց' Women's Library-ն ամենագեղեցիկ վայրերից մեկն է, որը հնարավորություն է տալիս բացահայտել կնոջը:

Գրադարանում կազմակերպվում են կանանց նվիրված տարբեր ցուցահանդեսներ, ընթերցվում են դասախոսություններ կանանց իրավունքի մասին, ցուցադրվում են ֆիլմեր, կազմակերպվում են նաև դասընթացներ:

Women's Library-ն իր գործունեությունը սկսել է 1920թ. և կոչվում էր գրադարան, որն աջակցում է կանանց: Առաջին գրադարանավարը' Վերա Դուին, գործունեության 41 տարվա ընթացքում հավաքել է հսկայական հավաքածու տարբեր երկրների կանանց մասին: 1970-ականներին քաղաքային իշխանությունները հայտարարեցին, որ չեն կարող միջոցներ գտնել գրադարանի պահպանման համար, և գրեթե 25 տարի գրադարանի ցուցանմուշները, գրքերն ու հավաքածուները գտնվել են Լոնդոնի համալսարանի նկուղում: 1998թ. Heritage Lottery fund-ը 4.2 միլիոն ֆունտ ստեռլինգ տրամադրեց գրադարանի նոր շենքի կառուցման համար: 2002թ. գրադարանը կրկին բացվեց, սակայն 12 տարի անց այն կրկին փակվեց: