Նոր Մոսկվայի շրջանում Հայաստանի քաղաքացի է սպանվել

Նոր Մոսկվայի շրջանում Հայաստանի սպանված քաղաքացու են գտել տաքսիում: Այդ մասին «Ինտերֆաքս» գործակալությանը հայտնել է իրավապահ մարմինների մի աղբյուր:

Նրա տվյալներով՝ մարտի 18-ի ցերեկը ոստիկանության են դիմել ականատեսներ, ովքեր հայտնել են սպանված տղամարդու մասին, որը գտնվում է Hyundai ավտոմեքենայի մեջ: Պատահարի վայր ժամանած ոստիկանության աշխատակիցները հայտնաբերել են լիզինգային ընկերություններից մեկին պատկանող տաքսի, որում եղել է Հայաստանի 35-ամյա քաղաքացու մարմինը:

Ինչպես պարզել են փորձագետները, տղամարդը սպանվել էր դեռ մարտի 17-ին: Նա մահացել էր դանակով հասցված բազմաթիվ վերքերից:

Մոսկվայի ոստիկանության մամուլի ծառայությունում «Ինտերֆաքսին» հաստատել են դիակի հայտնաբերման փաստը: