Ղրիմի թաթարները ինքնորոշում են պահանջում (տեսանյութ). Haqqin.az

Ղրիմի թաթարների խուրալը մոտ ապագայում կհավաքվի՝ լուծելու ղրիմի թաթարների ինքնորոշման հարցը՝ հայտարարել է Ղրիմի թաթարների մեջլիսի նախագահ Ռեֆատ Չուբարովը: Այս մասին հայտնում է haqqin.az-ը:

«Մենք երբեք չենք հրաժարվել ինքնորոշման մեր իրավունքից: Թե ինչ ձևով ու ինչ կերպ մենք այն կիրականացնենք, ապագայում կորոշենք»,- ասել է Չուբարովը «Զերկալո նեդելի» պարբերականին տված հարցազրույցում:

Չուբարովը նաև իր կարծիքն է հայտնել Ղրիմում անցկացված հանրաքվեի մասին:

«Ինչ վերաբերում է «հանրաքվեին», ապա հարկավոր է ասել, որ դա պարզապես անազնիվ, կեղտոտ ու հիմար խաղի շատ մեծ գործիք էր: Ղրիմի թաթարներն ամեն դեպքում կմնան իրենց հողի վրա»,-նշել է նա: