Ուկրաինայում սպանվել է «Աջ հատվածի» առաջնորդներից Ալեքսանդր Մուզիչկոն. ԶԼՄ-ներ
Համաշխարհային Մամուլ
Ինչպես հայտնում է itar-tass-ը, մարտի 24-ի լույս 25-ի գիշերը սպանվել է «Աջ հատվածի» համակարգող Ալեքսանդր Մուզիչկոն: Այս մասին հաղորդում են տեղական ԶԼՄ-ները:
Ըստ ականատեսների տեղեկատվության՝ «Աջ հատվածի» ակտիվիստ Ալեքսանդր Մուզիչկոն գնդակահարվել Է Մակարովի ատրճանակով՝ կրծքին արձակված մի քանի կրակոցով: Գնդակներից մեկը դիպել Է Մուզիչկոյի ուղիղ սրտին: Ըստ որում տղամարդու վրայի հագուստը պատառոտված Է եղել: Հարձակվողները նախ համոզվել են, որ Սաշկոյի հագին զրահաբաճկոնակ չկա, ինչից հետո նրան դիմահար գնդակահարել են:
Սպանությունը կատարվել Է գիշերվա ժամը մոտ 12-ին Բարմակի գյուղում «Տրի կարասյա» սրճարանի մերձակայքում: Քննիչները սրճարանի տարածքում հայտնաբերել են փամփուշտների մի քանի պարկուճ:
Ուկրաինայի քաղաքացի Ալեքսանդր Մուզիչկոն, ով հայտնի է Սաշա Բելի մականունով, գտնվում էր միջազգային հետախուզման մեջ: ՌԴ-ն Մուզիչկոյին կասկածում էր 1994-2000թթ. Չեչնիայում ռուս զինվորներին տանջելու և սպանելու մեջ: Ռուսաստանը Մուզիչկոյի նկատմամբ միջազգային հետախուզում էր հայտարարել:
Ավելի վաղ Մուզիչկոն համացանցում տեսանյութ էր տեղադրել, որի միջոցով հայտնել էր, որ Ուկրաինայի Գլխավոր դատախազությունն իրեն ոչնչացնելու մասին հատուկ վճիռ է կայացրել:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
