Անհետացած Boeing-777-ն առևանգված է և գտնվում է Կանդագաում. ԶԼՄ-ներ

Ըստ ԶԼՄ-ների` մարտի 8-ի գիշերն անհետացած 227 ուղևորով և անձնակազմի 12 անդամով Malaysia Airlines ընկերության անհետացած Boeing-777-ն այժմ գրավված է և գտնվում է Կանդագարից հարավ-արևելք՝ Աֆղանստանի տարածքում: Այս մասին հաղորդում է piter.tv-ն:

«Ինքնաթիռը գտնվել է և վայրէջք է կատարել գյուղերից մեկի ճանապարհին՝ վնասված  թևով, այսինքն` ինքնաթիռը, ենթադրաբար կատարել է բարդ վայրէջք: Բոլոր ուղևորները ողջ են, բաժանված յոթ խմբի և ապրում են հյուղակներում, սոված»,-հայտնում է «MK»-ն` վկայակոչելով «հատուկ ծառայությունների որոշ աղբյուրներ:

«Ինքնաթիռից առևանգել են չինացի 20 մասնագետի, որոնց գերեվարումը ենթադրաբար անհրաժեշտ է եղել ամերիկյան կողմին: Այսինքն` այն վարկածը, որ տեղի ունեցած միջադեպը, ինչ-որ մեկի հրահանգն է` հաստատվում է»,-նշում է աղբյուրը: Ի դեպ, «MK» չի հստակեցնում իր «հատուկ ծառայությունների» աղբյուրը:

Հիշեցնենք, որ Մալայզիայի Կուալա Լումպուր քաղաքից դեպի Պեկին չինական China Southern Airlines ընկերության հետ համատեղ չվերթ կատարող 227 ուղևորներով և անձնակազմի 12 անդամներով ինքնաթիռը ռադարներից անհետացել է մարտի 8-ի գիշերը Մալայզիայի ժամանակով ժամը 02:40-ին: Վերջին կապի ընթացքում ինքնաթիռը գտնվել է թագավորության ափերից 220 կմ արևելք: Ինքնաթիռի անհետացման վայրում եղանակային պայմանները լավ են եղել, բացի այդ' փորձառու օդաչուների կողմից ղեկավարվող ինքնաթիռն անհետանալուց առաջ ամբողջական ստուգում է անցել: