Ջոն Քերին Պաղեստինին և Իսրայելին կոչ է արել փրկել բանակցությունները. արաբական ԶԼՄ-ներ
Համաշխարհային Մամուլ
Ինչպես հաղորդում են արաբական լրատվամիջոցները, ԱՄՆ պետքարտուղար Ջոն Քերին Իսրայելի վարչապետ Բենիամին Նեթանյահուին և Պաղեստինի ղեկավար Մահմուդ Աբասին կոչ է արել առաջնորդություն ցուցաբերել՝ շարունակելու պաղեստինա-իսրայելական բանակցությունները: Այս մասին ապրիլի 3-ին Ալժիրում հայտարարել է Ջոն Քերին: Նա նշել է, որ ԱՄՆ-ը փորձում է երկու կողմերին հորդորել շարունակելու բանակցությունները, որոնք ավարտվում են ապրիլի 29-ին:
ՄԱԿ-ի անվտանգության խորհուրդը հայտարարել է, որ Պաղեստինի ներկայացուցիչներից 13 նամակ է ստացել միջազգային կառույցներում ընգրկվելու վերաբերյալ և այժմ ուսումնասիրում է դրանք:
Ավելի վաղ Քերին կոչ էր արել զսպվածություն ցուցաբերել այն բանից հետո, երբ Պաղեստինի ղեկավարը որոշել էր ընդգրկվել ՄԱԿ-ի 15 կառույցների մեջ՝ հետամուտ լինելով ՄԱԿ-ի տարբեր մարմինների կողմից իր երկրի ճանաչմանը հասնելու նպատակին: Պաղեստինն ապրիլի 1-ին նման որոշում կայացրել էր, երբ Իսրայելը հրաժարվել էր պաղեստինցի ձերբակալվածների 4-րդ խմբին ազատ արձակելուց:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
